Është mbyllur historia dhe marrëdhënia e Koço Kokëdhimës në PS në mënyrë drastike.
Vetë Kokëdhima është dorëhequr ndërsa Asambleja e ka shkarkuar me ceremoni i duke shpallur luftë, që është mbajtur në flamurin e Gramoz Ruçit, i cili ka marrë frymë thellë pasi ka larguar një rival.
Ndërsa Koço Kokëdhima e ka cilësuar veten si Sokrati që sulmohet nga mendimet e tij, Edi Rama ka folur gjysëm ore duke iu kërkuar falje socialistëve në Asamble që ka mbrojtur Koçon, ndërkohë që ky i fundit përfundoi të jetë një kundërshtar i saj.
Ish-deputeti Koço Kokëdhima është shkarkuar si sekretari dhe anëtar i Asamblesë së PS-së me vetëm tre vota kundër. Në mbledhje u tha nga Gramoz Ruçi se Koço Kokëdhima nuk duhet të ishte anëtar i Asamblesë, kjo sepse ai ishte deputet në kohën kur u zgjodh anëtar. U votua që vendin e Kokëdhimës ta mbulojë Stefan Çipa si sekretar për Emigracionin .
Ndërkaq Kokëdhima tha se do vazhdojë lëvizjen e tij brenda PS-së dhe do përgatitet edhe për zgjedhjet e ardhshme.
“ Unë do të vazhdoj lëvizjen time brenda PS-së. Do përgatitemi dhe do punojmë për ato zgjedhje Unë jam anëtari i Asamblesë Kombëtare dhe anëtari i Kongresit të partisë”.
Gjatë mbledhjes së sotme, Asambleja ka zgjedhur Taulant Ballën dhe Luljeta Dollarin si nënkryetarë të saj, ndërsa sekretar është zgjedhur deputeti Ulsi Manja.
Kryetar i Këshillit të Mbikëqyrjes Financiare të PS është zgjedhur Ervin Bushati, ndërsa Ethem Ruka, Bukurosh Stafa, Ilir Zela dhe Luan Hajdaraga janë kooptuar si anëtarë të rinj. /tesheshi.com/
