Në Bruksel, këtë mëngjes ndodhi hapja e negociatave me Tiranën dhe Shkupin, pak ditë pas parlamenti maqedonas votoi një propozim francez që sheshonte mosmarrëveshjet me Bullgarinë. Kjo e fundit. Si anëtare e BE-së, kishte vënë veton e saj ndaj Maqedonisë, pikërisht për shkak të mosmarrëveshjeve të natyrës nacionale, duke bërë që nga kjo ta pësonte dhe Shqipëri.
Kjo sagë gati trevjeçare morri fund tashmë.
Presidentja e Komisionit Europian, Ursula Von der Leyen e cilësoi një moment historik konferencën e parë ndërqeveritare për Shqipërinë dhe Maqedoninë e Veriut, e cila shënon pra hapjen e negociatave.
Ajo sqaroi se Shqipëria do të bashkohet me Mbrojtjen Civile Europiane e rrjedhimisht do të ketë më shumë mbështetje në situata emergjente të shkaktuara nga fatkeqësitë natyrore.
Në fund të fjalimit të saj, diplomatja gjermane falënderoi Ramën dhe Kovaçevskin për lidershipin dhe durimin e treguar.
Nga ana tjetër, kryeminsitri Rama nuk ka harruar të falenderojë dhe ish-kancelaren gjermane Angela Merkel, pa të cilën, siç tha, Shqipëria nuk do të ishte aty ku është sot.
“Do t’ia nis me falenderime dhe dua të falenderoj presidenten e Komisionit, zonjën Ursula e cila e di dhe dinte se si të luftonte për ne dhe të gjitha shtetet anëtare.
Dua të falenderoj një tjetër zonjë gjermane që nuk është më aktive pro pa të nuk do të ishim këtu sot. Merkel ka ditëlindjen dhe do doja t’i uroja gjithë të mirat.
Nuk do të ishim këtu pa përpjekjet e presidencës franceze dhe Macronit.
Faleminderit mbarë popullit shqiptar i cili kurrë nuk u dorëzua dhe kurrë nuk rreshti së ëndërruari ndjekjen e rrugës evropiane.
Pas tre vitesh kaq të ndërlikuara, ku refuzimet nga BE, lufta, pandemia krijuan një situatë të vështirë, por na forcuan. Ne e dimë që ky nuk është fillimi i fundit, por është fundi i fillimit. Është mirë kështu si është dhe ne thjesht na duhet të ngremë dhe të ndërtojmë një Shqipëri evropiane dhe të fortë dhe një Ballkan të Hapur Perëndimor”, theksoi i pari i qeverisjes shqiptare. /tesheshi.com/
