Një amerikan i kërkuar për përdhunim në vendin e tij është ekstraduar nga Skocia në Shtetet e Bashkuara, në një vendim që i dha fund një ndjekjeje të profilit të lartë që përfshinte një vdekje të organizuar, një identitet të rremë dhe probleme imagjinare shëndetësore.
Policia e Skocisë konfirmoi raportet e shtypit lokal se po ndihmonin “agjencitë bashkëpunuese” në ekstradimin e 36-vjeçarit Nicolas Rossi.
Drejtësia amerikane po kërkonte 36-vjeçarin si pjesë e hetimit për përdhunimin e një gruaje në Utah në vitin 2008 dhe sulme të tjera.
Në vitin 2019, Rossi i njoftoi familjes së tij se vuante nga kanceri në një fazë të avancuar. Më pas ai postoi… nekrologjinë e tij në internet dhe u zhduk, vetëm për t’u shfaqur i gjallë në Britani. Interpoli u informua për rastin dhe në tetor 2021 Rossi u arrestua, kur u kontraktua me Covid-19 dhe u shtrua në një spital në Glasgow.
Megjithatë, imagjinata e tij vazhdoi të funksiononte: ai pretendoi në polici se quhej Arthur Knight dhe se ishte një “jetim nga Irlanda”. Autoritetet nuk ishin të bindur, aq më tepër që tatuazhet e tij ishin të njëjta me përshkrimin e dhënë nga Interpoli. Një gjykatë në Edinburg i gjeti shpjegimet e tij “të pabesueshme”, duke i quajtur ato “fantazi” pasi Rossi këmbënguli se policia kishte arrestuar njeriun e gabuar dhe se një i huaj që donte ta kapte atë i kishte bërë tatuazh pa dijeninë e tij, ndërsa ai ishte pa ndjenja në spital. Ai gjithashtu pohoi se gjurmët e gishtave të marra nga ai në spital ishin… ndërruar me ato të të dyshuarit në kërkim.
Gjatë procedurave të tij të ekstradimit, ai u paraqit në gjykatë me pizhame, në një karrige me rrota dhe me një maskë oksigjeni, për të pretenduar se ishte i sëmurë. Por një mjek dëshmoi se nuk kishte asnjë arsye mjekësore dhe siguroi se këmbët e tij ishin “atletike dhe të forta”. Në një moment ai u shfaq i veshur si një çifut ultra-ortodoks dhe pretendoi se ishte konvertuar në judaizëm ndërsa ishte në burg.
Rape suspect Nicholas Rossi has been extradited from Scotland to US after a long-running battle.
Sky's @ConnorGillies explains who Nicholas Rossi is and what he has done to try and evade justice 👇https://t.co/TB3UD0ctO7
📺 Sky 501, Virgin 602, Freeview 233 and YouTube pic.twitter.com/VTU4RCiVSQ
— Sky News (@SkyNews) January 5, 2024
Policia britanike po heton, ndër të tjera, një akuzë për përdhunim që dyshohet se është kryer nga Rossi në vitin 2017 në Chelmsford, në verilindje të Londrës. /tesheshi.com/
