Fundi i kërkimit për të mbijetuarit e tërmetit në Afganistan

Autoritetet në Afganistan pezulluan të premten një kërkim për të mbijetuar pas një tërmeti që vrau më shumë se 1000 njerëz, tha zyrtari i lartë i talebanëve, Mohammad Nassim Haqqani.

Rreth 10,000 shtëpi u shkatërruan pjesërisht ose plotësisht në tërmetin e së mërkurës në juglindje të vendit në kufirin me Pakistanin, tha për Reuters Haqqani, një zëdhënës i ministrisë së menaxhimit të fatkeqësive.

Talibanët i kanë bërë thirrje komunitetit ndërkombëtar që të dërgojë ndihma në Afganistan pas tërmetit shkatërrues me magnitudë 6.1 ballë që vrau më shumë se 1,000 njerëz dhe plagosi të paktën 1,500.

Numri i personave të varrosur në rrënoja nuk dihet, ndaj ka frikë se numri përfundimtar i viktimave mund të jetë shumë më i madh, raporton BBC.

Tërmeti preku provincën juglindore të Paktikas dhe Kombet e Bashkuara po përpiqen t’u ofrojnë të gjithëve strehim emergjent dhe ndihmë ushqimore.

Sipas qeverisë amerikane, ky ishte tërmeti më vdekjeprurës në Afganistan në 20 vitet e fundit. /tesheshi.com/