Ministri i Diasporës Pandeli Majko, ka zbulur faktin se për zgjidhjen e krizës së radhëve kilometrike për 5 ditë rresht të atyre që donin të kalonin në Greqi, ka ndërhyrë dhe Kryepeshkopi Janullatos.
Ai nuk ka dhënë detaje se si e qysh, por është mjaftuar me një falenderim ndaj tij në një status në rrjete.
“Falenderim për të gjitha strukturat shtetërore të angazhuara për përmbylljen e emergjencës humanitare vecanërisht për trupën ushtarake dhe policore të angazhura në kufirin me Greqinë fqinje, nën drejtimin e kolegëve Olta Xhaçka dhe Sandër Lleshi.
Ndaj si më të veçantë, që pavarësisht moshës, angazhimin të cilin ja kërkova kryepeshkopit Anasatas Janullatos, në ndërmjetësimin që kriza të përmbyllej sa më shpejt. Të tjerat, janë fjalë për “lugën” e atyre që dinë veç çfarë nuk duan”, shkruan Majko.
Qeveria pretedon se ka bërë të pamundurën duke komunikuar vazhdimisht me palën greke, për të mundësuar lehtësimin e procedurave për kalimin kufiri. /tesheshi.com/
