Ish-guvernatori i Bankës së Shqipërisë, Adrian Fullani, ka nënshkruar një tjetër histori personale, pas saj të drejtimit në mënyrë hedonistike të institucionit më të rëndësishëm financiar të shtetit. Ai ka mundur të pastrohet tërësisht nga akuza, ku së fundi dhe nga gjykata e Apelit është shpallur i pafajshëm.
E jo vetëm kaq, pasi siç e kanë trajtuar dhe media të ndryshme, Apeli, në rastin e Fullanit, ka regjistruar procesin më të shpejtë në 25 vjet, ndërkohë që një ndër marrëzitë e gjygjësorit shqiptar është pikërisht zvarritja e proceseve.
Fullani nisi të përflitej në media ndërkohë që në Shqipëri u shfaqën shenjat e para të krizës ekonomike, pikërisht nga luksi i jetës që bënte dhe benefitet e mëdha financiare që kishte stafi i tij në bankë.
Kjo, derisa doli në pah dhe një vjedhje marramendëse që e futi atë në burg. Por etapë pas etapë, ai arriti që t’i siguronte vetes lirinë përballë një gjygjësori që e “përkëdheli” derisa e shpalli tërësisht të pafajshëm. /tesheshi.com/
