Ish-guvernatori i Bankës së Shqipërisë, Ardian Fullani, nuk do të gjykohet më për grabitjen e 713 milionë lekëve në institucionin që drejtonte.
Kjo pasi prokuroria ka tejkaluar afatin duke mos depozituar rekurs në Gjykatën e Lartë, për vendimin e gjykatës së Apelit, që e shpalli të pafajshëm për akuzën ndaj tij.
Sipas ligjit, vendimi i Apelit ka marrë formë të prerë.
Afati për ta kryer këtë veprim ishte deri më 23 janar, ndërkohë që në tejkalim të kësaj periudhe proceduriale meqënëse nuk pati asnjë reagim nga prokuroria, vendimi i pafajësisë për Fullanin merr formë të prerë.
Dy shkallët e gjyqësorit, shpallën të pafajshëm Ardian Fullanin mbi akuzat për shpërdorim detyre.
Prokuroria në fillim kërkoi dënimin e tij me 5 vjet burg për ish-Guvernaorit pastaj hoqi dorë. Ndërkohë ky akt ka shkaktuar polemika të shumta në rrjetet sociale.
/tesheshi.com/
