Melissa Poll është një vajzë e moshës 6 vjeçare, e cila ka një mit: Mbretëreshën Elisabet. Kështu, kur iu afrua festa e ditëlindjes (të cilën do ta festojë më 27 shtator), ka menduar t’i shkruajë një letër mbretëreshës për të ftuar edhe atë në ditëlindjen e saj. Kuraja e të voglës duhet vlerësuar, pasi, ja çfarë i ndodhi të voglës Melissa.
Melissa shkoi në pallatin mbretëror, Buckingham Palace për një vizitë me familjen e saj. Por për shkak të një greve, nuk arriti të vizitojë pjesën e brendshme të rezidencës. Kështu e mitura vendosi që t’i shkruajë sërish mbretëreshës së Anglisë për të shprehur keqardhjen e saj që nuk arriti të hynte në pallat dhe me këtë rast e ftoi për ditëlindjen e saj e cila do të mbahej në fund të muajit.
Pak ditë më vonë Melissa mori përgjigje nga ana e mbretëreshës, përmes një letre të shkruar nga asistentja e saj.
“Mbretëresha më kërkoi që të shkruaj për të të falënderuar për shprehjen e keqardhjes që nuk arrite të vizitoje rezidencën në Buckingham. I vjen keq që ti dhe gjyshja jote nuk arritët të hynit. Ndonëse madhëria e saj nuk mund të vijë në ditëlindjen tënde, të uron të kalosh një festë të paharrueshme me miqtë dhe familjarët e tu”, shkruhej në letër./tesheshi.com/
