Një tjetër zë nga Hollanda ka paralajmëruar një “Jo” për hapjen e negociatave, ku arsyet nuk janë ato që thotë kryemnistri Rama, së paku sa i përket politikës hollandeze. Nga atje vjen mesazhi se përparimi i Shqipërisë nuk ka qenë i duhuri, ndërsa ai i Maqedonisë Veriore po. Këtë e thotë vetë kryeministri Mark Rutte.
“Sa i përket Shqipërisë dhe Maqedonisë së Veriut, ne jemi akoma të shqetësuar, së bashku me disa shtetet të tjera, më pak për Maqedoninë e Veriut dhe më shumë për Shqipërinë. Ne po pyesim veten se sa progres ka bërë Shqipëria? Ne do ta adresojmë këtë çështje javët në vijim me partnerët tanë europiane. Por ne jemi shumë të shqetësuar për mungesën e progresit. Maqedonia e Veriut ka bërë më shumë se Shqipëria, por diskutimet vazhdojnë”, deklaroi kryeministri holandez, e këto pas një takimi me kancelaren Merkel, e cila nga ana e saj i diktoi një “Po” Berlinit zyrtar.
Për kreun e mazhorancës Rama, “Jo”-të e mundshme, si në rastin e Francës apo Hollandës, jo domosdoshmërisht kanë të bëjnë me Shqipërinë. /tesheshi.com/
