SHBA pret, por nuk ka dëgjuar asnjë mesazh nga Irani se është i përgatitur për të pranuar ftesën e presidentit Trump për bisedime të drejtpërdrejta, ka thënë një zyrtar i lartë i Shtëpisë së Bardhë.
“Ne besojmë se ata duhet të ulin tensionet dhe të hyjnë në negociata”, tha zyrtari për gazetarët, sipas Reuters.
Kur u pyet nëse ka ndonjë tregues të iranianëve se ata janë të gatshëm që të ulen për bisedime, zyrtari u përgjigj: “Ende jo, asnjë thirrje nga telefoni..”
Trump i kërkoi udhëheqjes së Iranit që të diskutonte programet bërthamore dhe çështjet rajonale në një kohë kur tensionet midis dy vendeve janë rritur ndjeshëm.
E gjithë kjo ka rizgjuar frikën e një konflikti të ri të armatosur në Lindjen e Mesme, pasi Shtetet e Bashkuara kanë dërguar luftanije në Gji.
Presidenti i SHBA dhe ekipi i tij janë shprehur se nuk do donin një luftë të re, porse nga ana tjetër janë të gatshëm të mbrojnë interesat amerikane në rajon, thonë zyrtarët. /tesheshi.com/
