Kryedemokrati Basha pretendoi se ftesa që iu bë për të vizituar Uashingtonin nuk është e para për të.
“Është një ftesë e përsëritur dhe e mirëpres me kënaqësi…”, tha Basha pas takimit me të dërguarin Escobar në selinë blu.
Por duket se është tipike e Bashës kjo, sajimi i realiteteve virtuale duke i servirur si reale.
Mjaft të kujtohet se si te Çadra e 2017 e si në stinën e protestave të 2019, thoshte se ka mbështetje të fortë ndërkombëtare për aksionet e tij, por kurrë të thoshte një emër se nga kush po i vinte kjo mbështetje dhe si.
Ndërkohë që ka qenë mëse e qartë “dimri i madh” i PD-së gjatë këtyre viteve në raport me ndërkombëtarët. Basha vetë, veç ndonjë pjesëmarrjeje në PPE(familje e djathtë europiane), i ka patur pothuajse zero axhendat ndërkombëtare.
Dhe është e qartë gjithashtu se ftesa amerikane ndaj tij bërë nga Escobar është e para dhe jo e disata, siç pretendon Basha, pasi është në kontekst të një dhurate politike pas aktit të largimit të Berishës nga grupi parlamentar, pra duke plotësuar një urdhëresë apo një kusht amerikan. Pas kësaj, patjetër që do vinte një shpërblim.
Nga ana tjetër, nëse do kishte qenë e disata ftesë, nuk kishte gjasë që Basha të mos ia thoshte publikut. Ai e sajon kur s’ekziston e jo më të ekzistojë dhe mos e thotë. /tesheshi.com/
