Partia Demokratike dhe LSI tregohen spektike mbi ftesën e artikuluar në fillim të javës që lamë pas nga kreu i grupit parlamentar socialist, Taulant Balla, për thirrjen e një tryeze të nivelit të lartë mbi çështjet e integrimit, por edhe përsa i takon reformave.
Ish-ministrja Klajda Gjosha (LSI) dhe deputetja Jorida Tabaku (PD) shprehen se qeveria nuk ka në programin e saj si prioritet integrimin, duke e cilësuar thjesht si propogandë.
Gjithsesi mes dy ligjvënësve të partive të opozitës ka një ndryshim, pasi LSI shprehet e gatshme për t´u ulur në tryezë, ndërsa demokratët duket se e kanë të vështirë t´a pranojnë ftesën.
“Çfarëdolloj tyreze që të kërkohet për integrimin patjetër që LSI është e gatshme për tu ulur dhe diskutuar, por besoj se integrimi në këtë qeveri është vështirë të diskutohet në tyreza, përsa kohë program ii qeverisë e kishte faqen bosh kur diskutohej për integrimin. Kështu që e kam pak të vështirë që nisma të tilla mund të kenë ndonjë rezultat. Reforma në drejtësi dhe vettingu që janë kushtet kryesore për celjen e negociatave. Nuk është çështja të krijojmë nisma të reja apo ta bëjmë integrimin çështje kombëtare e cila është tashmë prioritare. Rëndësia më madhore është që mos pengojmë reformat kyce për integrimin në BE”, tha Gjosha.
“Çështja është tek vullneti i mirë që këto instrumenta ti përdorim në të mirë të integrimit dhe jo në kuadër të demagogjisë dhe propagandës. Është e nevojshme që palët të shprehin vullnetin e tyre të mirë duke marrë masa konkrete dhe duke ndërmarrë reforma konkrete. Sot po ndodh që e gjithë administrata publike, pavarësisht faktit kanë apo jo status të nëpunësit civil dëgjojmë që do ti nënshtrohen punësimeve partiake. Qeveria shqiptare është duke u renditur ndër qeveritë që bën pjesë në atë grup vendesh ku krimi ulet këmbëkryq me qeverinëk, ku droga dhe kanabisi kanë kaluar përmasat e një fenomeni lokal. Së fundi reforma në drejtësi ka ndodhur që qeveria shqiptare ka ndryshuar strukturën e organeve të vettingut dhe tre organet e vettingut i ka zhveshur nga buxheti”, tha Tabaku. /tesheshi.com/
