Kërkesa në industrinë e mbrojtjes po i afrohet niveleve rekord pasi u rrit me më shumë se dhjetë për qind në vetëm dy vjet për shkak të rritjes së tensioneve gjeopolitike, përfshirë luftën e Rusisë kundër Ukrainës.
Analiza, e kryer nga britanikja Financial Times, tregoi se dërgesat e 15 kompanive më të mëdha të industrisë ushtarake në botë, në fund të vitit 2022, kapnin vlerën 777.6 miliardë dollar, ndërsa dy vjet më parë ato kishin vlerën 701.2 miliardë dollarë.
Trendi vazhdoi në vitin 2023, pasi dërgesat nga ato 15 kompani ishin me vlerë 764 miliardë dollarë pas gjashtë muajve të parë, duke treguar një rritje të mëtejshme të vëllimit të biznesit të tyre pasi qeveritë vazhduan të porosisin armë dhe pajisje ushtarake.
Sipas Institutit Ndërkombëtar të Kërkimit të Paqes në Stokholm (SIPRI), shpenzimet totale ushtarake globale do të rriten me 3.7 për qind në vitin 2022, në një nivel të ri prej 2.24 miliardë dollarësh.
Viti 2022 pa rritjen më të madhe vjetore të shpenzimeve ushtarake në Evropë në të paktën 30 vjet, pasi qeveritë dërguan kërkesa të reja për municion dhe tanke për të rimbushur rezervat shtetërore të varfëruara nga donacionet në Ukrainë për ta mbrojtur atë kundër pushtimit rus. /tesheshi.com/
