Fshati japonez që po “ringjallet”… pas vdekjes së banorëve

Popullsia në Japoni po pakësohet dhe po shkon drejt plakjes. Shembull konkret është Nagoro, një fshat që nga 300 banorë ka mbetur me vetëm 30 të tillë.

Turistët e dallojnë hyrjen e fshatit nga tre dordolecat të mbështetur në shtyllën e telefonit. Ata qëndrojnë gjithmonë aty, prej vitesh. Janë prej pambuku dhe copa gazetash dhe janë krijimtari e 67-vjeçares Tsukimi Ayano, e cila ka dhjetra vjet që merret me këtë artizanat.

Kjo ide i lindi kur mendoi të bëntë një kakashi (dordolec) për të mbjellat e veta, të cilin e veshi me rrobat e babait të saj.

Më pas, për të promovuar turizmin në fshat dhe me shpresë se do të rikthehej vemendja dhe bashkë me të edhe interesi i njerëzve ndaj jetës së fshatit, filloi të ringjallë figura të fshatarëve të vdekur apo të transferuar në qytet. /tesheshi.com/