Gjatë muajit dhjetor janë ende të pranishme frutat e stinës së vjeshtës dhe disa nga stina e dimrit. Frutat e këtij sezoni janë plot ngjyra të mrekullueshme të ngjashmë me ngjyrat që mbizotërojnë në këtë stinë.
Në shportë nuk duhet të mungojnë hurmat me fara, shegët, gështenjat të cilat pavarsisht se janë fruta që dalin në fillim vjeshtë do të na shoqërojnë edhe përgjatë gjithë dimrit.
Gjithashtu nuk duhet të mungojnë as agrumet si qitro, portokalli, mandarinat apo klementinet (mandarinat ngjyrë kuqe me lëkurë të hollë).
Recetat ku këto lloj frutash mund të përdoren janë të pafundme: ëmbëlsira, sallatra, apo milkshake për më të vegjëlit dhe nazelinjtë.
Shega mund të përdoret duke i shtuar një grusht sallatës tonë të përditshme por dhe e shtrydhur. Bashkë me hurmat mund të krijoni një sallat frutash duke i shtuar dhe pak mjalt.
Portokalli duhet të pihet thuajse përditë i shtrydhur ndërsa lëkura mund të përdoret për ëmbëlsira si kek apo biskota. Nëse përgatisim një sallatë fshati (pa sallatë jeshile) mund t’i shtojmë dhe disa thelpinjë portokalli.
Gështenjat, përveçse janë një antistres nëse hahen të ziera apo të pjekura, ato mund të përdoren edhe për të përgatitur biskota apo kek me kanellë. /tesheshi.com/
