Vëllzerit Froku duket se po bëhen emblematikët e politikës dhe shoqërisë shqiptare këto kohë, me protagonizmin e tyre. Veç të gjallëve, Arbenit që akuzohet për vrasjen e Komisar Lamajt e Markut që akuzohet për një krim të ndodhur vite më parë në Belgjikë, në “lojë” ka hyrë dhe një i vdekur: Leonard Frroku, vëllai i ndjerë i tyre, që ka humbur jetën vite më parë në një aksident automobilistik.
Media ka zbuluar një rrugë me emrin e tij në periferi të kryeqytetit, që thuhet se i është vënë aty nga viti 2012 me vendim të Këshillit Bashkiak të Tiranës, duke e zëvëndësuar me atë Nexho Konomit. Çështja është se dhe i ndjeri ka qenë po ashtu i akuzuar si pjesëmarrës në vrasje, pasi dyshohet të ketë qenë tutor. Ndërsa motivacioni i vënies së emrit rrugës, ka qenë ai për “kontribut për komunitetin”. /tesheshi.com/
