Njësia elitare e dronëve ukrainase Aerorozvidka, një njësi e specializuar e zbulimit ajror, ka shkatërruar tanke, kamionë komandues dhe automjete me pajisje elektronike që nga fillimi i pushtimit.
“Ne sulmojmë natën, kur rusët janë në gjumë”, tha Jaroslav Honcar, komandant i Aerorozvidka-s. Ai shpjegon se si forcat ruse janë statike gjatë natës dhe fshihen në tanke midis shtëpive në fshatra, duke e ditur se artileria konvencionale ukrainase nuk do të qëllojë ndaj tyre për shkak të mundësisë për të goditur civilët. “Është e pamundur të shohësh drone gjatë natës. Mund të sulmojmë edhe në fshatra, pa shumë dëme anësore”, tha një nga komandantët.
https://youtu.be/OmbcvXah8vo
Aerorozvidka ka një flotë dronësh të fuqishëm me tetë rotorë të armatosur me granata antitank dhe të pajisur me kamera termike. Një nga dronët në flotë, R18, mund të fluturojë katër kilometra, për gjithsej 40 minuta dhe të hedhë bomba me peshë pesë kilogramë. Flota përfshin gjithashtu një dron zbulues PD-1 që mund të kalojë tetë orë në ajër. /tesheshi.com/
