Administrata Trump ka hapur një front të ri lufte; atë me Gjykatën Ndëkombëtare Penale – ICC.
Ka qenë Këshilltari i Sigurisë Kombëtare në Shtëpinë e Bardhë, John Bolton, ai që e ka sulmuar ashpër këtë gjykatë.
Zyrtarët e kësaj të fundi iu përgjigjën Boltonit i cili e quajti si një institucion “joefikas, të papërgjegjshëm dhe të rrezikshëm”, se nuk ICC nuk ishte një instancë politike por një trup gjyqësor.
Bolton akuzoi gjykatën për krime lufte dhe krime kundër njerëzimit, duke iu referuar cilësimeve: “të paefektshëm”, “të papërgjegjshëm” dhe “të rrezikshëm”. Ai e bëri komente për shkak të mundësisë së fillimit të një hetimi kundër ushtarëve amerikanë që shërbenin në Afganistan, si dhe hetimeve të mundshme kundër Izraelit pas nxitjes nga Autoriteti Palestinez.
“Ne nuk do të heshtim nëse gjykata hap proces ndaj Izraelit dhe aleatëve të tjerë amerikanë”, paralajmëroi ai Bolton dhe njoftoi një sërë masash si hakmarrje të mundshme, duke përfshirë dhe sanksionet ndaj stafit të ICC.
Ndërsa gjykata u përgjigj të martën se do të “vazhdonte të punonte siç ishte planifikuar”.
Nga Gjykata është thënë se pozicioni amerikan nuk ishte ndonjë gjë e re; përkundrazi, ishte një përsëritje qëndrimesh që nga fillimi i punës së saj.
Ndërsa Bolton tha gjithashtu se Shtetet e Bashkuara “nuk do ta ndihmojnë IÇ-në dhe nuk do t’i afrohen asaj”.
“Ne do të lejojmë ICC të vdes me një vdekje natyrore, sepse tashmë është e vdekur për ne”, tha këshilltari i Trump.
Ndërsa nga Gjykata u reagua duke u thënë se “pse Bolton duhet të ketë për qytetarët amerikanë në qoftë se ai e konsideron se ICC ka vdekur”, duke u shprehu keqardhje që Këshilltari i Shtëpisë së Bardhë bëri deklarata të tilla në përvjetorin e sulmit terrorist të 11 shtatorit.
ICC u themelua në bazë të Statutit të Romës dhe filloi të veprojë më 1 korrik 2002. Ajo u ratifikua nga 123 vende mbi territoret e të cilave ka juridiksion gjykata.
Në mesin e tyre nuk janë Shtetet e Bashkuara, Kina, Rusia, India, Izraeli, Pakistani, Arabia Saudite, Turqia dhe Irani, por ICC ende mund të gjykojë amerikanët, sepse krimet e pretenduara janë kryer në territorin e Afganistanit, i cili është pjesë e kësaj instance ndërkombëtare gjykuese.
Javën e kaluar ICC u deklarua për nisjen e një hetimi mbi genocidin ndaj popullsisë Rohinja në Mianmar, një vend që nuk e ka nënshkruar Statutin e Romës, por si pjesë e persekutimit që po ndodhte në Bangladeshin fqinj, si palë nënshkruese.
Që nga fillimi i tij në vitin 2003, ICC ka hapur hetimet në 11 raste, ku përfshihen këto vende: Republika Demokratike e Kongos, Uganda, dy në Republikën e Afrikës Qendrore, Darfur, Libia, Kenia, Bregu i Fildishtë, Mali, Gjeorgjia dhe më të fundit, në Burundi, një vend që më 2017 u bë i pari që tërhoqi anëtarësimin nga kjo Gjykatë.
Gjykata aktualisht po kryen një analizë në nëntë raste të tjera për të kuptuar nëse ka ndonjë bazë për hetimi. Këto janë Kolumbia, Gaboni, Guinea, Nigeria, Palestina, Ukraina, Venezuela, Filipinet, dhe Iraku, në të cilën ka pretendime për krime të kryera trupat britanike. /tesheshi.com/
