Fjalimi i paradites në çadrën e opozitës ka munguar për shkak të një udhëtimi 6-orësh që kreu i PD-së, Basha ka patur këtë të mërkurë, ku shënohet dhe e 61-ta ditë e protestës.
Risi e kësaj dite ishte dhe rifutja nën çadër e Frrok Çupit, ish-kryeredaktorit të parë të RD-së shndërruar më pas në armikun më të madh e më të ashpër të Berishës, rikthyer krah tij në mandatin e dytë të PD-së për të qenë kundërshtar i flaktë i Ramës.
Çupi njihet si opinionist politik, ndërsa nga Basha u shpall si intelektual.
Gjithashtu, kreu demokrat vlerësoi dhe praninë në çadër dhe krah PD-së të dy aleatëve, Nard Ndoka dhe Vangjel Dule. /tesheshi.com/
