Në ka ende që dyshojnë në fundin e mbretërimit të Mercedes-it, provat zyrtare të Çmimit të Madh të Rusisë janë dëshmia më e mirë se dominimit të kësaj skuadre i është vënë tanimë kapak.
Nga tre garat e para sezonale, Mercedes pati mundur të ruajë së paku mbizotërimin në provat zyrtare, diçka që e humbi sot.
Vettel ishte parë ta kalonte finishin i pari në garë, por sot, në pistën e Soçit, e bën këtë dhe në provat zyrtare.
“Vendet e para të njëpasnjëshme të Mercedes-it në provat zyrtare përfundojnë në të 18-tën. Eshtë e para herë gjithashtu që në 31 gara nuk kanë gjithashtu një makinë në dy vendet e para në nisje,” është komenti i BBC-së pas mbarimit të këtyre provave.
Për ta përmbledhur po kaq bukur: “Territor i panjohur!”
Vettel e Raikkonen do të nisen nesër të parët, të ndjekur nga të turpëruarit sot Bottas e Hamilton.
Ky është pole position-i i parë i kokëkuqes që nga gara e Singaporit në vitin 2015, ndërkohë që për të ndeshur një tjetër garë ku dy pilotë të Ferrari-t janë nisur nga vendi i parë dhe i dytë duhet të kthehemi në 2008-n, në Çmimin e Madh të Francës.
Ja ç’pilotë e plotësojnë dhjetëshen e parë në nisje: Ricciardo, Massa, Verstappen, Hulkenberg, Perez dhe Ocon.
Nesër, nga ora 14:00, mbani frymën! Në Soçi të Rusisë na pret një garë e jashtëzakonshme! Beteja mes Ferrari-t dhe Mercedes-it ka nisur. /tesheshi.com/
