Presidenti i LEGA-s, Matteo Salvini, i cili bëri thirrje për shpërbërjen e parlamentit dhe mbajtjen e zgjedhjeve të parakohshme parlamentare në Itali, u përball me rezistencën në rritje të dielën, të kundërshtuar nga ish-partneri i koalicionit, 5 Yje-t dhe një pjesë e opozitës së qendrës së majtë.
Salvini shpreson për një zgjedhje të reja deri në tetor, në të cilën, sipas sondazheve, LEGA do të fitonte më shumë vota dhe do ta bënte Salvini kryeministrin.
Ish-kryetari i Partisë Demokratike (PD) e qendrës së majtë, Matteo Renzi, i cili ende ka një ndikim të fortë në partinë më të madhe të opozitës, tha se zgjedhjet, në një kohë kur qeveria duhet të fillojë përgatitjet për të paraqitur buxhetin e vitit të ardhshëm, do të ishin “të çmendura”.
Në një intervistë me Corriere della Sera, Renzi mbrojti një qeveri teknike që do të kishte mbështetjen e partive në të gjithë spektrin politik.
Ai gjithashtu mbështeti propozimin e M5S që numri i anëtarëve të dhomave të ulëta dhe numri i senatorëve të zvogëlohet për 345, përpara zgjedhjeve të reja.
Kreu i M5S, Luigi Di Maio tha se shkaktimi i një krize të re qeveritare do të ishte “budallaqe dhe e rrezikshme”. /tesheshi.com/
