Italia ka mbyllur kufijtë e saj me 13 vende, duke veçuar Maqedoninë Veriore dhe Bosnjen nga rajoni, pasi i konsideron vendet më të rrezikshme për përhapjen e koronavirusit.
Ndalimi i udhëtimit vlen për Armeninë, Bahreinin, Bangladeshin, Brazilin, Bosnjen, Kilin, Kuvajtin, Maqedoninë Veriore, Moldavinë, Omanin, Panamanë, Perunë dhe Republika Dominikane, tha Ministria e Shëndetësisë.
“Epidemia është në fazën më të mprehtë globalisht. Ne nuk mund të rrezikojmë sakrificën që kanë bërë italianët muajt e fundit,” tha ministri Roberto Speranza.
Njerëzit të cilët kanë qenë ose tranzituar nëpër këto vende në dy javët e fundit, do të bllokohen në kufi, shtoi ai.
Fluturimet direkte dhe indirekte me këto vende gjithashtu janë pezulluar.
Italia luftoi këtë javë me një rritje të numrit të infeksioneve, ku u tha se burim kryesor ishin disa mbërritje nga Bangladeshi, e cila u vendos në “listën e kuqe” të martën.
Epidemia ka kaluar një fazë kritike në Itali, por ekziston frikëase shpërthimet e reja mund të shkaktojnë një valë të dytë të infeksionit. /tesheshi.com/
