Për të penguar një tjetër valë infeksioni, Austria ka zgjeruar listën e vendeve që i nënshtrohen ndalimit të uljes në aeroportet austriake, duke shtuar dhe të gjitha vendet në Ballkanin Perëndimor.
Me dekretin e ri të Ministrisë së Shëndetësisë, lista u zgjerua nga tetë në 18 vende.
Nga e enjtja, aeroplanët nga të gjitha vendet e Ballkanit Perëndimor, si dhe nga Bullgaria, Rumania, Moldavia, Egjipti nuk do të jenë më në gjendje të zbarkojnë në aeroportet austriake.
Më parë, ndalimi i fluturimeve nga Bjellorusia, Kina, Britania e Madhe, Irani, Portugalia, Rusia, Suedia dhe Ukraina, ishte në fuqi.
Deri në fund të korrikut, fluturimet për në dhe nga Tirana, Beogradi, Bukureshti, Kajro, Podgorica, Sarajeva, Shkupi, Sofja, dhe Varna do të anulohen.
Sipas dekretit, ekzistojnë përjashtime, por kjo përfshin vetëm “fluturime në interes të Austrisë”, si dhe zbarkimin e aeroplanëve të ngarkesave, aeroplanët që transferojnë të sëmurët ose me të cilët kthehen shtetasit austriakë, d.m.th. transporti i personelit mjekësor dhe infermieror, dhe punonjësve të ndihmës bujqësore. /tesheshi.com/
