Siç për investimet turke, deputeti Dashamir Shehi shfaqi padakortësinë e tij në lidhje me investimin emiratas në Durrës.
Gjatë një paraqitje qeveritare të projektit 2 miliard eurosh në komisionin e Ekonomisë, politikani që identikohet me rakinë tha se do dëshironte investime perëndimore, andej nga e ka rrugëtimin Shqipëria e jo nga vende sipas tij me probleme në fushën e të drejtave të njeriut, duke iu referuar kështu vendeve arabe. “Kemi miq suedezë, austriakë, jo Dubai. Pse s’u gjet një investitor perëndimor, që le të fitonite pak më pak Shqipëria.
Përfundojmë në investitorë që nuk japin garanci politike. Atje mund të nisë dhe lufta”, tha Shehi, ndërkohë që Emiratet nuk kërcënohen nga asnjë lloj lufte, pasi është një shtet pa armiqësi me ndokënd në rajon.
Afërsisht të njëjtën gjë tha dhe pak vite më parë në lidhje me investimet turke, duke u ironizuar rëndë nga kryeministri Rama, si njeriu që e nis ditën “me plonc” dhe shpall se “është europian.
Nga ana tjetër, kreu i komisionit, Eduart Shalsi i kujtoi se çështja e arabëve është diskutim dhe në Europë, pasi ata jo vetëm kanë blerë klube të njohura europiane, nga ato me emër të madh, por dhe asete që mbahen si simbole kombëtare në vende europiane.
Përgjigja e Shehut ishte se ato janë vende që nuk impaktohet fetarisht nga arabët, duke dalë kështu në planin fetar.
“Jemi vend me tre besime…”, tha deputeti opozitar, duke shprehur frikën investimet e arabe mund të shoqëroheshin dhe “imponime fetare”, e aluduar kjo në fjalën e tij. /tesheshi.com/
