Ministrat teknikë të propozuar nga PD-ja kanë një detyrë; të ndalojnë administratën që të përfshihet në fushatë zgjedhore dhe për këtë ministrja e Financave ka një ide origjinale.
Helga Vukaj ka nxjerr një urdhër që ndalon pushimet vjetore nga maji deri në fund të qershorit.
Sipas këtij urdhëri, të publikuar nga Tvscan, punonjësitë e Ministrisë së Financave e të institucioneve të varësisë si Tatime e Dogana do të duhet që këtë vit të riplanifikojnë lejen e tyre vjetore. Në bazë të urdhërit të ri anulohen të gjitha lejet që janë planifikuar për t’i kryer në periudhën 25 maj deri në 30 qershor.
Madje ministrja Vukaj ka shkuar dhe më tej duke u ndërprerë pushimet atyre qëe i kanë nisur ato para se të jepej ky urdhër.
Sipas këtij urdhëri të gjithë punonjësit që janë duke kryer lejet vjetore, do të njoftohen për paraqitjen në detyrë dhe për mbushjen e lejes vjetore pas datës 1 korrik 2017.
Planifikimi dhe kryerja e lejeve vjetore të vijojë nga 1 korrik 2017 dhe në vazhdim sipas legjislacionit në fuqi./tesheshi.com/
