Tashmë është tërësisht e mundur të luftosh plakjen e ADN-së, veçanërisht nëse ndjekim një mënyrë korrekte të të ushqyerit, të pasur me substanca antioksiduese. Në këtë pikë nuk mund të rrimë pa përmendur efektet e paimagjinueshme të shegës, frut i cili ka aftësi të luftojë radikalet e lira.
Në këtë përfundim ka dalë një kërkim i zhvilluar në laboratorin spanjoll ProbelteBio. Studimi ka përfshirë një grup individësh, një pjesë të së cilëve iu është dhënë ekstrakti i shegës ndërsa një pjesë tjetër ka marrë disa medikamente qetësuese.
Shega ka antioksidantë të cilët luftojnë radikalet e lira si dhe përmban hekur e vitaminat A, C dhe E. Ja receta për një pije të shijshme, e cila përveç se ju freskon, ndihmon edhe lëkurën të mbahet në formë dhe e hidratuar gjatë verës.
Përbërësit
Portokall i kuq
Shegë
Gjysmë limoni.
Fusni kokrrat e shegës në një shtrydhës bashkë me gjysmën e limonit dhe me një portokall të kuq (me ose pa lëkurë, si të dëshironi). Shtrydhini mirë dhe më pas, nëse dëshironi, lëngut mund ti hidhni disa copa akulli. /tesheshi.com/
