Ish-ministri Gjiknuri, një ish-profesor universitar i përfshirë në pas në politikë duke u inkuadruar në PS, u shfaq në përgjimet e Bild-it duke komunikuar me famëkeqin e Dibrës, Imer Lala, e për më tepër me një gjuhë që përmbante fraza banale.
E megjithatë, ai është treguar i pandjeshëm – thënë ndryshe as që ia ka ndjerë – në rë parin reagim, ku duke anashkaluar “miqësinë” elektorale me Lalën, i ka mëshuar çështjes së furgonit me “çuna problematikë”, një frazë e përgjimeve të para.
“Mirëmëngjes!
Pranë furgonit me gocat dhe çunat “problematik” të Forumit Eurosocialist të Vlorës, me të cilët po udhëtojmë në çdo lagje për të prezantuar Dritan Lelin dhe skuadrën e Partisë Socialiste në Këshillin Bashkiak”, shkroi Gjinkuri, ndër më të akuzuarit për krim elektoral nga opozita.
Në reagimet e tjera, ish-deputeti Qefalia tha se po fliste me një shok fëmijërie.
“Xhevahire nga Dibra. Se lloqe Kavaje nuk shkon! Të përgjosh dhe ta quash krim elektoral pse flet në telefon me një shok fëmijërie dhe shkolle madje ky shoku nuk është as kriminel as person pa integritet, por është ushtarak , oficer kariere!!!
Mirë që ligjet dhe institucionet nuk i njohin por këto kanë filluar të mohojnë dhe marëdhëniet miqësore dhe shoqërore ! Qofshin këto që janë”, shkroi ai. /tesheshi.com/
