Vatikani po mendon të zgjasë udhëtimin e Papa Françeskut në Liban qershorin e pritshëm, në mënyrë që kreu i Kishës Katolike Romake të mund të udhëtojë në Jerusalem për t’u takuar me Patriarkun Kiril të Rusisë.
Lajmi u transmetua nga Reuters, duke cituar dy burime të paidentifikuara.
Nëse do të ndodhë, ky do jetë takimi i dytë por jo mes tyre.
I pari u zhvillua në Kubë në vitin 2016, njëherësh i pari pas Skizmit të Madh të dy Kishave në 1054.
Kujtohet se marrëdhëniet mes Patriarkanës së Kostandinopojës dhe asaj të Moskës janë përkeqësuar gjatë pesë viteve të fundit për shkak të dhënies së autonomisë Kishës së Ukrainës.
Papa ka marrë angazhime për të luajtur një rol në fundin e luftës në Ukrainë, deri duke planifikuar një vizitë në Kiev.
Mesazhet e tij nuk përbëjnë lajm sa i përket llojit “normal” të tyre, krejt të lexueshme, ndryshe nga kleriku i lartë ortodoks rus që mbron haptazi agresionin në Ukrainë.
Kështu, një takim mes tyre me temë “Ukrainën”, do ishte mjaft intrigues për të parë se si e shohin luftën dy njerëzit që mëtojnë të udhëhiqen nga “dritë hyjnore”. /tesheshi.com/
