Papa Françesku tha gjatë meshës në prag të Krishtlindjes se njerëzit duhet të ndjehen të detyruar të ndihmojnë të varfërit sepse vetë Jezusi lindi i varfër.
Mesha u mbajt më herët në pjesën e pasme të Bazilikës së Shën Pjetrit për shkak të pandemisë dhe më pak se njëqind njerëz morën pjesë, së bashku me disa kardinalë dhe peshkopë. Në rrethana normale, mesha mbahet në pjesën kryesore të bazilikës, kur zakonisht arrin në 10,000 njerëz, raporton Reuters.
Papa vuri në dukje se në Krishtlindje, të gjithë duhet të shikojnë “padrejtësitë tona të shkaktuara ndaj kaq shumë vëllezërve dhe motrave tona” në vend që të përpiqen të arrijnë aspirata të pafund për posedim dhe kënaqësi afatshkurtra.
Të gjithë, përveç papës dhe anëtarët e korit të vogël, kishin maska mbrojtëse gjatë meshës, e cila filloi e përllogaritur në kohë në mënyrë që pak të pranishmit të mund të ktheheshin në shtëpitë e tyre para orës policore, e cila fillon në orën 10:00, thanë agjencitë.
Sot, Papa do t’i lexojë mesazhin Urbi et Orbi (qyteti dhe bota) nga salla brenda Vatikanit në vend se nga ballkoni në Sheshin e Shën Pjetrit, kur zakonisht mblidhen dhjetëra mijëra njerëz.
Në Itali, masat e karantinës janë në fuqi gjatë festave të Krishtlindjeve dhe Vitit të Ri. Dyqanet jo thelbësore do të mbyllen midis 24 dhe 27 dhjetorit, 31 dhjetor dhe 3 janar, dhe midis 5 dhe 6 janar. Këto ditë, qytetarët do të lejohen të udhëtojnë vetëm për të shkuar në punë, për arsye shëndetësore dhe arsye të tjera urgjente. /tesheshi.com/
