Françesku: Kisha s’duhet të fshehë abuzimin seksual!

Papa Françesku trajtoi çështjen e abuzimit seksual brenda Kishës Katolike në një video-mesazh.

“Kisha nuk duhet të përpiqet të fshehë abuzimin seksual, të çfarëdo lloji qoftë”, theksoi kreu i Kishës Katolike Romake.

“Për këto abuzime nga anëtarët e Kishës, nuk mjafton të kërkosh falje. Është e nevojshme, por jo e mjaftueshme. Viktimat duhet të jenë pika kryesore e referencës për çdo përpjekje, sepse dhimbja dhe trauma psikologjike mund të fillojnë të shërohen nëse gjejnë përgjigje: veprime konkrete për t’u përballur me përvojat e tmerrshme që kanë jetuar dhe për t’i parandaluar ato të përsëriten”, tha Françesku.

Ai shtoi gjithashtu se “abuzimet nuk duhet të fshihen as brenda familjes. Kisha duhet të jetë shembull për zgjidhjen e tyre dhe zbulimin e tyre në shoqëri dhe familje.

Dhe Kisha duhet të ofrojë hapësira për të dëgjuar zërin e viktimave, por edhe për mbështetjen dhe mbrojtjen e tyre psikologjike”, përfundoi Papa. /tesheshi.com/