Papa Françesku e quajti “ideologjinë gjinore” rrezikun më të madh të ditëve të sotme, duke thënë se ajo anulon të gjitha dallimet dhe i bën të gjithë të njëjtë.
“Heqja e diversitetit do të thotë shfuqizimi i njerëzimit. Është e nevojshme të fokusohemi në dimensionin antropologjik dhe të nisemi nga e vërteta elementare dhe themelore sipas së cilës jeta e njeriut është një thirrje“, tha Papa Françesku gjatë një auditori të rregullt.
Papa rekomandon që të mos mbytet “tensioni i brendshëm i shëndetshëm” midis një burri dhe një gruaje, domethënë thirrja “për lumturinë, plotësinë e jetës, për diçka të madhe që Zoti ka menduar për ne”.
“Jeta e secilit prej nesh nuk është një rastësi. Ekzistenca jonë në botë nuk është thjesht rezultat i rastësisë. Ne jemi pjesë e planit të dashurisë dhe jemi të thirrur ta realizojmë atë për veten dhe të tjerët”, theksoi ai.
Papa lexoi vetëm një pjesë të mendimeve të tij dje, dhe pjesa tjetër u lexua nga një anëtar i stafit të tij. Vatikani ka bërë të ditur se Papa vuan prej disa ditësh nga një “grip i lehtë”.
“Unë kam ende të ftohtë dhe lodhem kur lexoj vetëm për pak kohë”, tha Françesku.
Shëndeti i Papës nuk ka qenë më i miri prej disa kohësh. Muajt e fundit ai ka pasur disa herë probleme me infeksionet respiratore dhe më parë është shtruar në spital. /tesheshi.com/
