Franca po zbaton me rreptësi ligjin kundër “ngacmimeve të papërshtatshme në rrugë” të cilat zakonisht u adresohen grave.
Më tepër se 700 gjoba janë shqiptuar ditët e fundit ne Paris, ku personat që lëshojnë fjalë ndaj grave në rrugë dënohen nga 90 deri në 750 € për sjellje të tilla.
Gratë franceze ka kohë që kanë kërkuar miratimin e ligjeve më të rrepta që dënojnë ngacmimet me fjalë, gjestet e turpshme, komente degraduese, propozimet e papershtatshme ose ndjekjen e një personi në rrugë.
Gjobat mund të arrijnë deri në 1.500 € nëse është fjala për veprim të përsëritur, nëse ngacmohet një e mitur apo nëse bëhet fjalë për rrethana të tjera rënduese. /tesheshi.com/
