Macron do të jetë presidenti i ri i Francës sipas shifrave të fundit të exit poll-eve, që i japin atij 65.1% të votave në balotazhin e kësaj të diele.
Lajmi sapo është bërë i njohur nga France 24, një prej kanaleve informative më të njohura, por gjithashtu dhe nga shumë rrjete të tjera, si, për shembull, nga BBC-ja britanike.
Emmanuel Macron, deri para tre vitesh tërësisht i panjohur, bëhet presidenti më i ri i Francës, duke qenë vetëm 39 vjeç.
Shifrat lëvizin sipas burimeve të ndryshme, por i japin megjithatë 34.5% Marine Le Pen-it. Edhe pse humbje, është një sukses për ekstremistët e djathtë të Frontit Nacional, që kurrë më parë nuk kanë mbledhur kaq shumë vota.
Një centrist, një ish-ministër, Macron është një proeuropian, krej ndryshe rivales së tij. Por ai ka bërë thirrje për një reformim të BE-së për të shmangur një Frexit, ngjashëm me Brexit-in.
Pjesëmarrja në votimet e ditës së sotme ishte më e ulët se ajo në 23 prill, ndërkohë që abstenimi ka qenë në 26%. /tesheshi.com/
