Gjashtë persona mes 28 dhe 49 vjeç janë shtruar në spital në gjendje të rëndë shëndetësore në spitalin universitar Rennes, në perëndim të Francës, pasi kanë marrë pjesë në një eksperiment klinik, në kuadër të testimit të një ilaçi të ri kundër dhimbjeve.
Gjatë gjithë mëngjesit të ditës së sotme është bërë me dije se ilaçi i ri derivonte nga kanabisi. Mediat franceze që kanë dhënë këtë informacion kanë cituar prokurorinë e Parisit si burimin kryesor.
Gjatë pasdites, në një konferencë për shtyp, ministri i shëndetësisë, Marisol Touraine, ka përgënjeshtruar lajmin duke bërë me dije se ilaçi nuk përmbante kanabis dhe as nuk derivonte prej tij, por ndikon në receptorët kanaboidë që gjenden në organizmin e njeriut. Mes gjashtë pacientëve të shtruar në spital, njëri prej tyre ndodhet në gjendjen e vdekjes cerebrale (koma)./tesheshi.com/
