Në takimin e Grupit të 20 vendeve më të industrializuara në botë dhe vendeve në zhvillim (G20), Franca do të kërkojë një zgjatje të moratoriumit për borxhin e vendeve më të varfra që përballen me pasojat ekonomike të pandemisë së COVID-19 deri në vitin 2021, tha Ministri i Ekonomisë Bruno Le Maire.
“Kriza ekonomike do të vazhdojë në vitin 2021 kudo në botë. Franca u bën thirrje vendeve G20 që të zgjasin moratoriumin për borxhin e vendeve më të varfra,” tha ai.
Pezullimi i pagesës së borxhit, është planifikuar deri në fund të vitit 2020.
G20, ministrat e financave të të cilit dhe qeveritarët e bankave qendrore po takohen praktikisht, vendosën në mes të prillit të pezullojnë pagesat e borxheve në vendet më të varfëra deri në fund të vitit 2020 për shkak të epidemisë së koronavirusit.
Grupi i 20 vendeve më të industrializuara në botë dhe vendeve në zhvillim përbëhet nga 19 shtete dhe Bashkimi Evropian, përfshirë Argjentinën, Australinë, Brazilin, Kanadanë, Kinë, Francën, Gjermaninë, Indinë, Indonezinë, Italinë, Japoninë, Meksikën, Rusinë, Arabinë Saudite, Jug Afrika, Koreja e Jugut, Turqia, Mbretëria e Bashkuar dhe Shtetet e Bashkuara. /tesheshi.com/
