Ovacione të jashtëzakonshme për Johan Krujfin u dëgjuan në “Amsterdam Arena”, ku mijëra njerëz të dhënë pas futbollit ishin mbledhur për të parë takimin miqësor midis Holandës dhe Francës.
Ndeshja do të ndalonte në minutën e 14-të, për të kujtuar ish-kapitenin e Holandës, që në kohët e tij do të mbante bluzën me numër 14. Një banderolë e stërmadhe mes tifozëve me Krujfin në të mori vëmendjen e të gjithë publikut. Një tjetër lojtar me numrin 14, Matuidi i Francës, do të shënonte golin e fundit në ndeshjen e mbrëmshme.
Miqësorja do të niste mbarë për francezët, që brenda 13 minutave e panë veten në epërsi të dyfishtë. Holandezët do të kujtoheshin në pjesën e dytë të luanin, duke arritur dhe të barazonin. Goli i francezit Matuidi në minutën e 88-të u dha fitoren 2-3 gjelave.
Po mbrëmë, Irlanda fitoi 1-0 ndaj Zvicrës, ndërsa Portugalia humbi 0-1 me Bullgarinë.
Sonte pason një tjetër miqësore luksi: Gjermani – Angli luhet në 20:45. /tesheshi.com/
