Presidenti i SHBA Donald Trump ka urdhëruar një hetim mbi taksën që Franca po përgatitë për gjigantët e teknologjisë. Sipas autoriteteve amerikane, kjo masë që mund të rezultojë në tarifat hakmarrëse.
“Shtetet e Bashkuara janë shumë të shqetësuara se tatimi mbi shërbimet digjitale synon në mënyrë të padrejtë kompanitë amerikane”, tha përfaqësuesi tregtar i SHBA.
Parlamenti francez pritet të miratojë taksën e re të enjten.
Ajo do të shënjestrojë kompanitë e mëdha si Google dhe Facebook me një taksë prej 3% për të ardhurat e mbledhura brenda Francës.
Sipas ligjit të ri, çdo kompani dixhitale me të ardhura prej më shumë se € 750 milion – prej të cilave së paku € 25 milion është prodhuar në Francë – do të jetë subjekt i tatimit.
Hetimi që ka inicuar SHBA mund të hapë rrugën për tarifat ndëshkuese, të cilat Trump i ka vendosur në disa raste që nga marrja e detyrës.
Hetimet e mëparshme të nisura nga Uashingtoni kanë mbuluar praktikat tregtare të Bashkimit Evropian dhe Kinës. /tesheshi.com/
