Raketat e Koresë së Veriut mund të mbërrijnë në Evropë, shumë më shpejt nga sa mund të jetë parashikuar.
Paralajmërimi vjen nga ministrja e Mbrojtjes e Francës, Florence Parly, e cila tha se skenari i përshkallëzimit drejt një konflikti të madh nuk mund të hidhet poshtë, Evropa ka të ngjarë të jetë brenda fushëveprimit të raketave të Kim Jong Un më shpejt nga sa pritej.
Një ditë më parë, Pheniani paralajmëroi SHBA se masat e fundit të vetëmbrojtjes së Koresë së Veriut janë një paketë dhuratë vetëm për Shtetet e Bashkuara.
Por nga ana tjetër nuk ka munguar dhe kundërpërgjigja e SHBA.
Presidenti Donald Trump ka paralajmëruar përmes një postimi në Twitter, se do të lejojë Japoninë dhe Korenë e Jugut të blejnë më shumë armatime ushtarake, shumë të sofistikuara nga Shtetet e Bashkuara, për të kundërshtuar Korenë e Veriut. /tesheshi.com/
