Franca ka hapur një hetim për përdhunimin e supozuar të të miturve dhe një numër akuzash të tjera që lidhen me rastin e miliarderit të ndjerë amerikan Jeffrey Epstein, tha prokurori i përgjithshëm i Parisit.
Deklarata e prokurorit Remy Heitz thoshte se vendimi për të filluar një hetim paraprak ishte i bazuar në “elementë të paraqitur” në zyrën e tij dhe “një shkëmbim me autoritetet amerikane përgjegjës për të ashtuquajturën afera ‘Epstein'”.
Hetimi përfshin informacione për të mitur 15 vjeç e lart, thuhet në njoftim.
Nuk janë dhënë detaje se cilat “elementë” çuan në hetim dhe nëse ajo mund të lidhej me dëshminë personale të viktimave të supozuara të Epsteinit që u mbajtën në një apartament luksoze pranë Harkut të Triumfit, raporton AP.
Epstein, një personazh i fuqishëm afër elitës politike amerikane, vrau veten më 10 gusht në një burg në New York në pritje të një gjykimi. Ai ishte 66 vjeç.
Gra të shumta në SHBA pretendojnë se Epstein dhe miqtë e tij abuzuan seksualisht me to. /tesheshi.com/
