“Abaja nuk do të lejohet më të vishet në shkollë” në Francë, njoftoi ministri i Arsimit Gabriel Atal përpara fillimit të vitit të ri shkollor, duke thënë se donte t’u jepte “rregulla të qarta në nivel kombëtar” drejtuesve të shkollave.
Ministri, i pyetur për këtë çështje të diskutueshme për muaj të tërë pas incidenteve të lidhura me përdorimin e kësaj veshjeje, një veshje e gjatë tradicionale që mbulon të gjithë trupin, njoftoi për rrjetin televiziv TF1 se do të dëshironte të fliste “nga java e ardhshme me zyrtarët e shkollave për t’i ndihmuar ata të zbatojnë këtë ndalim”.
“Laicizmi është liri për emancipim përmes shkollës”, tha ministri.
Sapo u emërua në krye të Ministrisë së Arsimit Kombëtar dhe Rinisë në fund të korrikut, ai vendosi se vajzat që veshin abaja në shkollë është “një gjest fetar, i cili synon të testojë rezistencën e Republikës ndaj fokusit të sekularizmit që duhet të jetë shkolla” dhe premtoi se do të ishte “vendimtar për këtë çështje”.
Çështja e përdorimit të abajas, e cila nuk është një simbol fetar mUsliman sipas Këshillit Francez të Adhurimit Mysliman (CFCM), ishte tashmë objekt i një qarkoreje nga Ministria e Arsimit Kombëtar nëntorin e kaluar. Në këtë qarkore, abaja konsiderohet – si bandana dhe fundi i gjatë, të cilat gjithashtu renditen – si veshje që mund të ndalohen nëse “vishet në mënyrë të tillë që të tregojë qartë një besim fetar”.
Por drejtuesit e shkollave kanë pritur për rregulla më të qarta për këtë çështje.
Pas ligjit të 15 marsit 2004 “në shkollat publike, fakultetet dhe shkollat e mesme ndalohet përdorimi i simboleve apo veshjeve me të cilat nxënësit tregojnë dukshëm besimin e tyre fetar”.
Ndryshe, Franca njihet si kryeqendër e ateizmit botëror në kontekst shtetëror, profilizuar kështu që pas Revolucionit Borgjez, i cili më shumë se regjimin monarkik kishte për armik pikërisht fenë, besimin. /tesheshi.com/
