Nuk shkoi më tepër një barazim 0-0 përballja mes dy ekipeve të para të grupit A. Franca dhe Zvicvra nuk kanë mund t’i thyejnë mbrojtjet respektive, duke ruajtur renditjen e deritanishme në grup.
Francezët kanë patur rastet e tyre me anë të Pogba-së dhe Payet-it. E kanë goditur më tepër portën zviceriane, kanë gjuajtur më tepër goditje nga këndi, por nuk kanë mundur ta ndryshojnë rezultatin.
Gjithsesi, francezët e kanë mbyllur të parët grupin A, me dy fitore e një barazim, me 7 pikë.
Zvicra është mbrojtur më shumë, por mund të ishte shpërblyer me një 11-metërsh në minutat shtesë pas pengimit të Dzemaili-t.
Zvicerianët kanë arritur një fitore historike në Europian, duke u renditur të dytët në grup dhe duke u kualifikuar për herë të parë për në fazën me eliminim të turneut.
Pas ndeshjeve të treta, grupi A e mbyll me këtë renditje: e para Franca, me 7 pikë, Rumania, me 5 pikë, Shqipëria, me 3 pikë, dhe Rumania, me 1 pikë.
Franca do të luajë në fundjavë, të dielën, me një prej skuadrave të treta. Zvicra do të ndeshet me ekipin e renditur në vend të dytë në grupin C, ndërsa Shqipëria pret të mësojë nëse do të jetë mes katër skuadrave më të mira të vendeve të treta. /tesheshi.com/
