Franca dhe Gjermania janë takuar për të vendosur mbi lidershipin e NATO-s, takim ky i parë ministror që kur Presidenti Emmanuel Macron e quajti forcën veriatlantike si “e vdekur klinike”.
Midis pyetjeve në lidhje me besueshmërinë e presidentit amerikan Trump, intervenimin e Turqisë në Siri dhe dyshimet amerikane për angazhimin e Evropës, Ministri i Jashtëm i Gjermanisë Heiko Maas tha se Evropa nuk duhet të mbetet e vetme.
Në vend të kësaj, Maas u propozoi homologëve dhe ministrave të jashtëm të NATO-s që Sekretari i Përgjithshëm Jens Stoltenberg të krijonte një komision ekspertësh për të diskutuar çështje strategjike.
Ministri i Jashtëm francez Jean-Yves Le Drian, ngriti gjithashtu idenë e një grupi “personash të mençur” për të marrë në konsideratë të ardhmen e NATO-s, megjithëse detajet nuk janë ende në dispozicion.
Të dy idetë do të zgjerojnë kompetencën e NATO-s, që nga themelimi i saj në vitin 1949, për të mbrojtur Evropën dhe Amerikën e Veriut, për të përfshirë potencialisht zona të reja siç janë lufta civile 8-vjeçare e Sirisë dhe Lindja e Mesme.
Ndërkohë, shefi aktual Jens Stoltenberg mbrojti rëndësinë dhe forcën e aleancës transatlantike. Ai kundërshtoi idenë se SHBA e konsideronin aleancën më pak të rëndësishme nën Presidentin Donald Trump, duke argumentuar se uniteti evropian nuk është një zëvendësim i unitetit me SHBA-në. /tesheshi.com/
