Ministria e Brendshme spanjolle bën me dije se fqinjët e tyre francezë kanë arrestuar të shtunën liderin e lëvizjes separatiste baske, ETA, i lokalizuar në Ascain. Fjala është për Mikel Irastorza, i konsideruar si figura kryesore e organizatës.
“Bëhet fjalë për eksponentin më të lartë të lëvizjes separatiste baske, i cili është arrestuar pranë kufirit me Spanjën”, thuhet në një komunikatë për shtyp të autoriteteve të Madridit.
ETA ka organizuar rreth 40 vjet luftë, më së shumti guerrile, në flamurin e pavarësisësë baskëve nga shteti spanjoll, krahinë e cila ndodhet në kufi me Francën. Numri i viktimave që kanë shkaktuar aksionet e saj të dhunshme shkojnë në afro 800.
5 vjet më parë, ETA njoftoi heqjen dorë nga dhuna, por pa u shkrirë së zyrtarisht si organizatë. /tesheshi.com/
