Do jenë dhe 60 bluza të bardha të gatshëm për frontin italian të COVID-19.
Qeveria shqiptare ka vendosur që të dërgojë një tjetër kontigjent mjekësh e infermierësh drejt fqinjit tejdetit, për të kontribuuar në situatën e vështirë që po kalon me bilance tragjike nga koronavirusi.
Vendimi është marrë nga fakti se në Shqipëri nuk ka situatë alarmante, e ata profesionistë shëndeti që ishin bërë gati për frontin vendas, por ende pa rol, të mund të kontribuojnë në vendin fqinj.
Sipas informacioneve paraprake, vendmbërritja e tyre do jetë Roma, e më pas do jenë autoritetet italiane ato që do vendosur se ku do shërbejnë.
Kujtojmë se dërgimi i 30 bluzave të bardha javë më parë në Itali, një ide e kryeministrit Rama, bëri bujë të madhe edhe në qarqe ndërkombëtare. /tesheshi.com/
