Është rritur në pesë bilanci i të vdekurve për shkak të kohës së keqe që ka prekur pjesën jugore të Shteteve të Bashkuara të Amerikës. Tre persona kanë humbur jetën në Teksas dhe dy në Arkansas. Këto janë dy shtetet që janë prekur më së shumti nga tornadoja e dhunshme.
Qindra banorë janë evakuuar dhe kanë braktisur banesat. Erërat e fuqishme po spostohen në drejtim të Dakotës së Jugut dhe Iowa. Para disa javësh, koha e keqe krijoi probleme serioze në Arkansas e Oklahoma.
“Shtëpi tërësisht të shkatërruara dhe të tjera të dëmtuara seriozisht, pemë të shkulura nga rrënjë, linja elektrike jashtë funksionit. Këto janë disa nga dëmet e shkaktuara nga tornadoja”,- ka thënë Chuck Allen, sherif në Van Zandt County të Teksasit.
Gjithashtu në Teksas, shirat kanë shkaktuar hapjen e një grope të madhe mbi 12 metra në parkingun e një supermarketi./tesheshi.com/
