Në Egjipt është shkatërruar me mjete të rënda selia e ish Partisë Demokratike Kombëtare në sheshin Tahrir në qendër të Kajros, ku u zhvilluan protestat masive që i dhanë fund regjimit të ish presidentit Hosni Mubarak, 4 vjet më parë. Qeveria ka njoftuar sheshimin e ndërtesës 15 katëshe, të djegur dhe shkatërruar nga demonstratat antiqeveritare të vitit 2011.
Kabineti qeveritar vendosi në prill shkatërrimin e plotë të ndërtesës dhe për këtë flet kontraktori Ragab Hafez. “Para 3 muajsh na u kërkua shkatërrimi i kësaj ndërtese dhe më pas do të nisim fazën e dytë të punimeve për ndërtimin e një parku.
“Ish presidenti egjiptian Hosni Mubarak u lirua nga akuzat për korrupsion dhe për vrasjet e protestuesve gjatë lëvizjes antiqeveritare të vitit 2011. Partia Demokratike Kombëtare u shpërbë me vendim gjykate në prill 2011 dhe pasuritë e saj janë konfiskuar.
