Eduard Selami ka dalë para mediave para se të mbyllet votimi, duke shprehur pakënaqësinë për garën e zhvilluar .
“Janë me dhjetra shkelje. Ose nuk i njohin regullat e demokracisë. Ka pasur disa raste që emri i votuesve të mij nuk ka qenë në listë.
Procesi është ende në vazhdim. Është shpejt për të nxjerrë një rezultat përfundimtar ku mjaft i rëndësishëm është edhe transportimi i kutive.
Është mirë që numërimi të bëhej nëpër degët e rretheve.
Procesi të ishte më i pastër pasi është me njolla. Demokratët duan të dalin sa më të fortë nga kjo garë, dhe zgjedhjet nuk mund t’i bëjë një person apo një ndërmarrje,” shprehet Selami në komunikimin për media.
Ndërkaq, në disa vendvotime në Tiranë dhe disa rrethe të tjera, nga sallat nuk ishin hequr portretet e Lulzim Bashës, edhe pse ky i fundit është “ngrirë” nga funksionet e kryetarit prej një muaji. /tesheshi.com/
