SHBA ka ruajtur pozitën e saj si kombi më i fuqishëm në botë, pavarësisht rënies së respektit të publikut për udhëheqjen e saj.
Kjo sipas US News and World Report, i cili ka publikuar edicionin e fundit të studimit të saj vjetor “Best Countries”.
Organizata e medias vlerësoi 80 vende bazuar në një sërë kriteresh, përfshirë historinë kulturore, shtetësinë (qytetarinë) dhe cilësinë e jetës.
Një masë tjetër kyçe ishte “fuqia-pushteti”, që përcaktoi se sa me ndikim ekonomik dhe politik është ai vend dhe fuqia e aleancave ndërkombëtare dhe ushtrisë së saj.
Më shumë se 21,000 liderë biznesi, elita të informuara dhe qytetarë të përgjithshëm u anketuan me qëllim të zbulimit se si perceptohen kombet në shkallë globale.
SHBA u perceptua si vendi më i fuqishëm, pasuar nga Rusia dhe Kina, me Mbretërinë e Bashkuar që zuri vendin e katërt. Vendet në vijim janë Pakistan, Turqia dhe Izraeli.
/tesheshi.com/
Renditja
23. Katari – Një nga disa vende të Lindjes së Mesme në listë, Katari është vendi më i pasur në botë në kuptim të produktit të brendshëm bruto për kokë banori falë mjedisit të pasur me naftë, megjithëse së fundi rënia e çmimeve të naftës ka goditur ekonominë e saj.22. Spanja – “Ngjitja në Bashkimin Evropian në vitin 1986 ishte një kërcim për modernizimin e infrastrukturës, industrisë dhe politikës ekonomike të Spanjës”, sipas US News.21. Holanda – Nikoqir i Gjykatës Ndërkombëtare të Drejtësisë dhe Gjykatës Ndërkombëtare Penale në Hagë, Holanda luan rol të rëndësishëm në skenën botërore.20.Pakistani – Paqëndrueshmëria politike, korrupsioni dhe lufta me ekstremizmin e kanë penguar renditjen e lartë të Pakistanit për sa i përket fuqisë-pushtetit. Nga ana tjetër, zhvillimi i vendit ka pësuar rënie duke pasur parasysh që ekonomia e saj e orientuar nga eksporti “ka shënuar rënie në kuptim të tërheqjes së investimeve të huaja”, sipas US News.19. Suedia – Suedia ka vendosur të mos investojë shumë në forcat e saj të armatosura në favor të një angazhimi për të drejtat e njeriut dhe qëndrueshmërinë e saj. Qasja e Suedisë ndaj mirëqenies së qytetarëve të saj e ka fituar respektin në skenën globale.18. Italia – Megjithëse Italia u përball me një vit të trazuar politik, me dorëheqjen e kryeministrit Matteo Renzi dhe rindërtimin e qeverisë së saj, vendi mbetet në listë si ekonomia e tretë më e madhe në Eurozonë.17. Australia – Ndonëse është e ranguar relativisht ulët për pushtetin dhe ndikimin e saj global, Australia u rendit e katërta në kategorinë e cilësisë së jetës.16. India – Si demokracia më e madhe në botë, India gjithashtu është nikoqir i ekonomisë me zhvillimin më të madh ekonomik në botë për pjesën më të madhe të vitit 2016. Por kriza e saj e parave të gatshme ka qenë një goditje ndaj ekonomisë së saj, duke shkaktuar që vendi të humbasë 11 miliarderë dhe 86% të parave të saj në qarkullim.15. Zvicra – Kombi i vogël evropian u zgjodh vendi më i mirë për të jetuar. Ky është vendi i 11-të më i pasur në kuptim të PBB-së (GDP) për kokë banori, dhe është shumë tërheqës për bizneset falë normave të ulëta tatimore të korporatave. Kombet e Bashkuara gjithashtu kanë një nga zyrat e saj kryesore në qytetin e Gjenevës.14. Irani – “Irani ka qenë prej kohësh në interes për fuqitë globale për shkak të vendndodhjes së saj strategjike në Lindjen e Mesme dhe furnizimin e saj të bollshëm të naftës dhe burimeve të tjera natyrore”, sipas US News. Vendi përmban 9% të rezervave të naftës në botë.13. Turqia – Turqia është portë midis Lindjes së Mesme dhe Bashkimit Europian, dhe marrëdhënia mes këtyre dy organeve është gjithnjë e më e rëndësishme, për shkak të shpërthimit të konfliktit në vendet e afërta. Në shtator, sekretari i shtetit britanik Boris Johnson tha se Britania do të mbështeste ofertën e Turqisë për t’u bashkuar me BE, por marrëdhëniet gjithnjë e më të tensionuara midis Turqisë dhe disa vendeve të BE mund të pengojë këtë.12. Kanadaja – Kanadaja u emërua vendi i dytë më i mirë për të jetuar nga US News. Është partneri më i madh tregtar i SHBA.11. Koreja e Jugut – Një marrëdhënie kontestuese me fqinjin e saj të izoluar në veri do të thotë që Koreja e Jugut shpesh merr mbështetje ushtarake dhe politike nga superfuqitë e botës. Kjo është një nga rezervat më të mëdha të investimeve të huaja në botë dhe është gjithashtu eksportuesi i gjashtë më i madh në botë.10. Emiratet e Bashkuara Arabe – Emiratet e Bashkuara Arabe janë një nga importuesit më të mëdhenj të armëve në botë dhe pas Arabisë Saudite ka buxhetin e dytë më të madh të mbrojtjes nga cilado prej shteteve arabe.9. Arabia Saudite – Rezervat e naftës në Arabinë Saudite ia kanë mundësuar që ky vend të bëhet një nga vendet më të pasura dhe më të fuqishme në Lindjen e Mesme. Shteti i Gjirit ka kohë që është parë si një aleat i ngushtë i Shteteve të Bashkuara, Mbretërisë së Bashkuar dhe vendeve të tjera perëndimore.8. Izraeli – Për një vend me popullsi pak më shumë se 8 milionë, Izraeli ka një ndikim të jashtëzakonshëm në skenën botërore. Megjithë konfliktin e vazhdueshëm palestinez, populli hebre ka një ekonomi të fortë dhe një nivel të lartë arsimimi dhe të ardhura të larta për kokë banori për qytetarët e saj.7. Japonia – Një nga vendet më të përparuara teknologjikisht, Japonia mburret me ekonominë e tretë më të madhe në botë. Vendi u shërua nga cunami i vitit 2011 që shkatërroi infrastrukturën dhe prodhimin.6. Franca – Me një GDP për kokë banori prej 42,384 $ (34,581 £), Franca krenohet me një nga ekonomitë më të mëdha në Evropë dhe është një nga eksportuesit kryesorë të armëve në botë. Ndikimi i saj shtrihet në të gjithë botën “nëpërmjet shkencës, politikës, ekonomisë dhe ndoshta mbi të gjitha, kulturës”, shkruan gazeta amerikane.5. Gjermania – Shpesh shihet si fuqia ekonomike e Evropës, kombi më i populluar i kontinentit e ka parë rolin e saj në skenën botërore të bëhet gjithnjë e më i rëndësishëm që nga ribashkimi në 1990.4. Mbretëria e Bashkuar – “Mbretëria e Bashkuar është një vend shumë i zhvilluar që ushtron ndikim të konsiderueshëm ekonomik, politik, shkencor dhe kulturor ndërkombëtar”, shkruan US News. Ndërsa nuk dihet se si dalja e saj e pritur nga Bashkimi Evropian do të ndikonte në qëndrimin e vendit, kombi duket se ka përballuar deri tani shokun e rezultatit të referendumit.3. Kina – Rritja e Kinës është mjaft e jashtëzakonshme. Një shtëpi për 1,4 miliardë njerëz, vendi tashmë ka ushtrinë më të madhe në botë dhe ekspertët parashikojnë se do të jetë ekonomia më e madhe në botë deri në vitin 2050.2. Rusia – Rusia ka kapitalizuar burimet e saj natyrore për t’u bërë një nga vendet më të pasura në botë. Shpenzimet e saj ushtarake si përqindje e PBB-së së saj vazhdojnë të tejkalojnë ato të vendeve brenda NATO-s me një distancë të konsiderueshme. Aktualisht shpenzon 5.4% të PBB-së vjetore në mbrojtje -,krahasuar me SHBA që shpenzon 3.3%.1. Shtetet e Bashkuara – Gati 75% e të anketuarve thanë se kanë humbur “një dozë respekti” për udhëheqjen amerikane pas zgjedhjeve presidenciale të vitit 2016, por vendi ende renditet si më i fuqishmi. Ndikimi i saj ekonomik, politik, kulturor dhe artistik e formëson botën, dhe një buxhet i mbrojtjes prej rreth 600 miliardë dollarësh dhe ekonomia e saj udhëheqëse e vë në krye të listës.
![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
