Tregëtia e flamujve në qytetin e Koliqit, aty ku rrijnë bashkë simbolet e partive dhe kanë të njëjtin çmim
“Tregtar flamujsh” titullohej novela e famshme e Ernest Koliqit përpara 80 vitesh, e shkruar në Shkodër. Ndërkaq sot në mesin e një fushate elektorale, të reklamuar së bashku me veshje e materiale sportive, shiten në një dyqan sërish në Shkodër, të gjithë flamujt e partive kryesore shqiptare, të cilat si rrallë ndonjë herë qëndrojnë pranë njëri- tjetrit. Ai i Partisë Socialiste me atë të Partisë Demokratike. Ndanë tij spikat e kuqja e LSI-së, por edhe simboli i PDIU-së, edhe pse çamë ka pak në Shkodër.
Tiullari i kësaj njësie tregtare në qytetin e madh të veriut e ka konceptuar edhe fushatën si treg në këtë varfëri blerjesh nga konsumatori.
“Pa shkop bën 500 lekë, megjithë shkop 700 lekë. Me shumicë kemi çmime të tjera, shesim vetëm me para në dorë, jo me fatura”, thotë shtësi që del nga dyqani me shpejtësi sapo I bëjmë foto flamujve.
“I ofrojmë tregut politik një mall që duket se është mjaft i kërkuar tani, menduam që të furnizojmë subjektet. Nuk bëjmë asnjë dallim, por mendojmë t’i shërbejmë të gjithë klientëve njësoj”, thotë B.L, tregtari i cili është koshient se po sjell një mënyrë të re të biznesit.
“kjo tregëti ka ekzistuar gjithmonë por asnjëherë nuk ka qenë trasparente, Ne e sheshim hapur dhe çdo shitje apo blerje është e regjistruar në regjistrim fiskal. Kemi formalizuar këtë treg 100%, shpresojmë që politika të jetë githnjë transparente dhe të mos shitet e blihet nën dorë”, thotë ai.
/tesheshi.com/
.
