Të studiosh në Shtetet e Bashkuara të Amerikës nuk është gjithmonë e lehtë dhe lejueshme. Shumë studentë në universitet janë të detyruar të sakrifikojnë, të bëjnë dy apo edhe tre punë vetëm e vetëm për të përballuar shpenzimet, të cilat janë me të vërtetë të shtrenjta në këto universitete prestigjioze.
Sipas disa studiuesve, çmimi mesatar për të përfunduar universitetin është rreth 30 mijë dollarë (rreth 27 mijë euro). Shumë persona i marrin borxh këto para dhe më pas i kthejnë gjatë vitit të parë të punës, të tjerë punojnë e studiojnë, por ka edhe nga ata që nisin vitin e parë të studimeve, i ndërpresin ato dhe pasi sigurojnë të ardhurat, vijojnë sërish shkollën.
Joel Weber, një student 25-vjeçar në Universitetin e Teksasit nuk ka dashur asnjëherë të hyjë në borxhe për shkak të studimeve. Kështu ai ka menduar të gjejë nj mënyrë alternative, për të reduktuar kostot, ndaj ka ndërtuar një banesë të lëvizshme.
Duke reduktuar koston e pagesës së qirasë së një banese,ai do të ketë mundësi të vijojë studimet dhe të mos marrë borxh. Weber ka blerë një rulot dhe me duart e tij e ka ndërtuar e transformuar në një mini-apartament të transportueshëm prej 13.5 metrash katrorë.
I është dashur rreth një vit për të përfunduar të gjithë ndërtimin e banesës. Ai bën me dije se ka përdorur një pjesë të kursimeve për ta blerë rulotin ndërsa për të ndërtuar disa pjesë i është dashur ndihma e miqve dhe të afërmve. Rezultati është befasues, aq sa historia e tij ka bërë xhiron e botës./tesheshi.com/
